تجربة اعطتني درسا لن انساه مدى الحياة
هاد التجربة كانت ملي سافرت ندوز امتحان التعليم في منطقة بعيدة جدا على مدينتي
كنت تنفطر في واحد القهوة صغيرة و مقدرتش نكمل فطوري و بانو ليا واحد الوليدات و بنت دازين عيطت ليهم باش نبوسهم و نعطيهم داك الفطور حينت الخلعة مقدرتش نكملو و جاو عندي و خداو لي قسم الله و مشاو
و في الغد اليوم الثاني خرجت من الامتحان في الفترة الصباحية و معرفتش فين نكلس بيما جا وقت الامتحان التالي حينت كنت شارية الغدا مسبقا و ملي خرجت من الثانوية لي دوزت فيها قلت نسول شي حد على شي سيبير نراجع فيه شوية و نتغدى تما و سبحان الله سولت واحد البنت و تمشيت معاها في الطريق و بقينا تنسولو في بعضياتنا و قلت ليها راني جايا من كزا و قالت ليا فين غدا تغداي قلت ليها في السيبير راني شريت شي حاجة ناكلها بما جا وقت الامتحان و بقات مسكينة تتجر فيا و طلبتني نمشي نتغدا معاها و مخلاتنيش بوحدي و المفاجئة ان هاد البنت لي مشيت معاها هي اخت الاطفال لي عيطت ليهم و عطيهم الفطور صدمت صدمة كبيرة و المفاجئة كانت قوية حينت جاو عندي و قالو ليا خالتي نتي لي جينا عندك في القهوة
المهم اطلت الكلام و لكن بغيت نقول ليكم غير الواحد يدير الخير و ينساه حينت اكيد غادي يرجع ليه باي وجه كان
من احسن فانما يحسن لنفسه و من اساء فانما يسيئ لها
هاد الواقعة خلات فيا اثر قوي و كبير عمري منساه
القصة منقولة من صفحة الطالبة (م.و)
محمد أيت كبير